Zip & íshellar Kötlujökuls með Tröll Expeditions

Zipline & Katla íshellir

Zipline & Katla íshellir

Um Upplifunina

Zipp
Við hittumst að bækistöð okkar. Ef þú mætir snemma ekki hika við að kíkja inn og nýta þér salernisaðstöðuna og þráðlaust internet. Þú getur jafvel gætt þér á bolla af heitu kaffi eða te áður en leiðsögumennirnir okkar koma og hitta þig. Við byrjum á því að fara yfir öll öryggisatriði, klæða alla í viðeigandi öryggisbúnað, smellum hjálm á höfuðin og ökum svo að upphafspunkti ferðarinnar.

Ökuferðin tekur ca. 3 mínútur og við taka aðrar ca. 3 mínútur í göngu þar til við komum að fyrstu zipplínunni. Þar förum við yfir helstu öryggisatriði aftur áður en við zippum af stað, einn í einu. Það næsta sem þú veist er að þú ert á fleygiferð yfir gilinu í sælurússi. Önnur línan okkar byrjar þar sem sú fyrsta endar og því er rétt svo tími til að ná andanum á milli fyrstu tveggja ævintýrana.

Eftir hana tekur við ca. 10 mínútna gönguferð um stórbrotna náttúrufegurð Grafargils þar til við komum að því sem við köllum trúarstökkið (Leap of Faith).

Að lokum rennum við yfir síðustu línun sem liggur yfri hinn fagra Hundafoss og ef veðrið er gott má enda á stuttri gönguferð eftir gamla þjóðveginum aftur heim til Víkur.

Katla Ice Cave
Vinir okkar hjá Tröll Expeditions leiðsegja ykkur þennan hluta.

Eftir þessa trufluðu zipplínu upplifun, finnur þú jöklasérfræðingana frá Tröllaferðum og stekkur uppí einn af ofur breyttu fjalla bílunum þeirra. Saman akið þið yfir svartan Mýrdalssandinn að rótum Kötlu, þess goðsagnakennda eldfjalls og hins magnaða Mýrdalsjökuls sem umvefur hana á alla kanta. Brottfarartímar eru misjafnir en yfirleitt 2 klst. Eftir zipplínu ævintýrið þitt.

Á meðan þú tekur inn stórfenglegt útsýni yfir fjöllin, jöklana og svörtu eldfjalla eyðimörkin á Mýrdalssandi mun leiðsögumaðurinn deila heillandi sögum og ótrúlegri jarðfræði sem tengist þessu fallega svæði.

Þegar áfangastað er náð við kolsvarta jökull röndina færð þú hjálm, höfuðljós og brodda til að ganga á. Engar áhyggjur, leiðsögumaðurinn kennir þér að nota búnaðinn á öruggan hátt svo þú getir skoðað þig um íshellana og jökull röndina á öruggan hátt. Margbreytileiki jökulsins fer með þig í ferðalag um eldgos og jökulhlaup Mýrdalsjökuls, eitthvað sem er óaðgengilegt fyrir hinn venjulega ferðamann.

Að nefna Kötlugos á nafn sendir hroll niður hrygginn á flestum Íslendingum. Hún er eitt hættulegasta og hrikalegasta eldfjall Íslands. Eftir að hafa verið í dvala í meira en 100 ár viljum við fara með þig upp að rótum hennar í ógleymanlegt ævintýri; Leikur að eldi og ís og sjá hið fagra landslag sem hefur mótast af kröftugum Kötlugosum fyrri tíma.

VILTU EITTHVAÐ SÉRSNIÐIÐ? Starfsmannahópar, skólahópar, stórir hópar, smáir hópar, stórfjölskyldan, einkaferð eða

Starfsmannahópar, skólahópar, stórir hópar, smáir hópar, stórfjölskyldan, einkaferð eða hvernig hópur sem er og hvaða þörf sem er þá getum við mögulega aðstoðað. Sendu okkur endilega línu með ykkar óskum. Hafðu samband

Mundu eftir GÖNGUSKÓNUM! Mundu eftir gönguskónum! Íslensk jörð er oft blaut og mjúk. Við göngum eftir kindastígum í landslaginu og mjóum göngustígum, stundum rennur smá lækur yfir gönguleiðina okkar og eftir rigningar og um vetur er leiðin oft blaut og hál. Gönguskór hjálpa til við að halda fótum þurrum og á stígunum.